ligligkot.com: ठेकी बनाउने पेशा अंगालेर बसेका गोरखाका स्थानीय मजदुर

Thursday, October 29, 2009

ठेकी बनाउने पेशा अंगालेर बसेका गोरखाका स्थानीय मजदुर

विहानदेखि यो पेशामा तल्लिन रहेर धेरै ठेकी बनाएपछि गाउँ गाउँ डुलेर ठेकी बेच्नुपर्ने उनीहरुको दिनचर्या भइसकेको छ ।

No comments:

तनहुँ खबर डट कमको उद्घाटन

चन्द्र कुमार थापा

दोहा-कतार,

कार्तिक १९-सन्ध्यागु्रप उपसमिति मुग्लानी सौगात द्धैमासिक साहित्यिक पत्रिकाद्धारा सस्थाको निजि कार्यलय अलखोरमा बिहिवार साँझ १०२ औँ लक्ष्मि जन्म जयन्ती भब्यताका साथ मनाएको छ ।

मुग्लानी सौगातको तेस्रो वाचन श्रृखलालाई लक्ष्मी जयन्ती विशेष बनाइएको हो भने उक्त अवसरमा तनहुँ खबर डटकमको उद्घाटन समेत गरिएको हो । स्वर्गिय महाकवी लक्ष्मि प्रसाद देवकोटाको सभापतित्वमा सम्पन्न कार्यक्रममा प्रमुख अतिथि नेपाल कतार पत्रकार महासंघका अध्यक्ष कुमार कार्की ,बिषेश अतिथि नवोदित साहित्यिक मोवाईल पुस्तकालयका सचिब चर्चित ढुंगेल, तनहुँ सेवा समाज कतारका अध्यक्ष निमलाल कुमाल , अतिथिमा सन्ध्यागु्रप कतारका सल्लाहकार बिरेन्द्र कुमार याक्थुम्वा लगायतका अतिथिहरुको बाक्लो उपस्थिति थियो ।

कार्यक्रमको उद्घाटनमा दिप प्रज्वलन संगै स्वर्गिय साहित्यकारहरु प्रतिको संझनामा मौन धारण गरिएको कार्यक्रममा सर्जकहरुले स्वर्गिय देवकोटाको तस्विरमा माल्यानपर्ण गरेका थिए । कार्यक्रममा स्वागत मन्तब्य गोबिन्द भावुकले राखेका थिए भने शुभकामना मन्तब्य नेत्र बोहोरा तथा कार्यक्रम संञ्चालन संस्थाका बर्तमान सचिब राजेन्द्र खनालले गरेको कार्यक्रममा एक दर्जन सर्जकहरुले विभिन्न विधाका रचनाहरु वाचन गरेर तेस्रो बाचन श्रृङखलालाई मन्त्र मग्न बनाएका थिए ।

तनहुँ खबर डट कमको उद्घाटन

सुचना र र संचार मानव जीवनका लागि अपरिहार्य भईसकेको अवस्थामा प्रवासमा रहेर पनि विगत लामो समय याता देखी दश तथा विदेशप्रति निरन्तर रुपमा आप्ःनो सेवा प्रदान गर्दै आएको तनहुँ खबर डट कम वेव साईडको औपचारिकता दिएको छ । मुग्लानी सौगातको तेस्रो वाचन श्रृखलामा प्राप्त कार्यक्रममा अतिथि प्रमुख कार्की ,विशेष अतिथि कुमाल र ढुंगेलको हातबाट संयुक्त रुपमा ब्यानर अनावरण गरि उदघाटन गरिएको हो । तनहुँ खबर डट कमका प्रधान सम्पादक भोला थापा क्षेत्रीले साईडलाई प्रस्तुत गर्दै एउटा जिल्लाको नामबाट सञ्चालित भए पनि विस्वभर बिभिन्न कुना कन्दरामा रहेका नेपालीहरुलाई खवर प्रवाह गर्ने हेतुका साथ सञ्चालन गरिएको जानकारी गराए । उनले यस वेव साईटको देश विदेशका खवरहरुका साथै प्रवासी नेपालीहरुको आवाजलाई उत्तिकै समावेश गरेर लैजाने बताउदै पत्रकारिताको आचार संहितालाई पालना गर्दै अघि वढ्ने तर्क ब्यतm गरे । उक्त वेव साईटका लागि सधै सल्लाह , सुझाव र रायको निरन्तर अपेक्षा गर्दै निरन्तरता दिने खुलासा गरेका थिए ।

प्रमुख अतिथि कुमार कार्कीले मुग्लानी सौगात द्धैमासिक साहित्यिक पत्रिकाले बढाएको पाईलाले प्रवासमा रहेका प्रवासिहरुका बास्तबिकतालाई उजागर गर्दै साहित्यिक श्रष्टाहरुको मनोभावनालाई कदर गर्दै आज साउदि अरेविया तथा दुबई लगायत अन्य देशहरुमा समेत बिधुुतिय माध्यमद्धारा सञ्चालन गरेकोमा सम्पादन समिति तथा सन्ध्यागु्रप सस्थालाई धन्यावाद दिए । उनले तनहुँ खबर डट कमका सम्पादकलाई सञ्चार जगतमा स्वछन्द रुपमा निरन्तरता दिन आग्रह गर्दै सफलताको शुभकामना दिएका थिए । मन्तब्यकै क्रममा बिषेश अतिथि रहेका निमलाल कुमालले तनहुँ जिल्लाको परिचय संगै कबिताको माध्यमबाट परिचय तथा शुभकामना ब्यक्त गरे भने संस्थाका सल्लाहकार याक्थुम्वाले हालको नयाँ पिडिहरुको लागी अति आवस्यक रहेको सञ्चार जगतलाई अगाडि बढाउनु भनाई राखेका थिए ।

अपहरित नेपाली युवती सकुशल मुक्त

मेलबर्न- मेलबर्नमा अपहरणमा परेकी नेपाली युवतीलाई प्रहरीले दुई दिनपछि मुक्त गराएको छ। सामाजिक सञ्जालमार्फत अपहरणको फन्दामा परेकी २९ वर्षीया नेपाली युवतीलाई अस्ट्रेलियन फेडरल प्रहरीले २४ घण्टा लामो अनुसन्धानपछि अपहरणकारीको घरबाट मुक्त गरेको हो। ३५ वर्षीय डरेन साल्टमासले ती युवतीको अपहरण गरेको प्रारम्भिक अनुसन्धानमा खुलेको छ। प्रहरीले २९ वर्षीय गुरुङ थरकी नेपाली युवतीलाई पाकेह्याममा रहेको अपहरणकारीको घरबाट मुक्त गरेको थियो।

प्रहरीका अनुसार उनीहरुबीच सामाजिक सञ्जालमार्फत् चिनजान भएपछि गत मंगलबार पहिलोपटक युवती डेटिङमा गएकी थिइन्। अपहराण्कारीले युवतीलाई आफ्नै कारमा राखेर घरमा पुर्‍यापछि बन्धक बनाएर २० हजार अस्ट्रेलियन डलर फिरौती माग्दै नदिए हत्याको धम्की दिएको थियो।

मेलबर्नबाट प्रकाशित हुने हेराल्ड सन् दैनिकका अनुसार २० हजार डलरका लागि अपहरणकारीले युवतीको पोखरामा रहेका आफन्तलाई फोन गरेर धम्की दिएको थियो। युवतीका नेपालमा रहेका आफन्तले मेलबर्नमा रहेको महावाणिज्यदूतको कार्यालयलाई खबर गरेपछि अष्ट्रेलीयन प्रहरीले घटनाबारे जानकारी पाएको थियो। अपहरमुक्त भएपछि स्थानीयवासीले अस्पतालमा भर्ना गरेका थिए। वाणिज्यदूत चन्द्र योञ्जनका अनुसार अहिले उनी खतरामुक्त छिन्।

अपहरणकारीलाई पाँचवटा अभियोग
नेपाली युवतीको अभियोगमा पक्राउ परेका ३५ वर्षीय डरेन साल्टमासलाई स्थानीय अदालतले पाँचवटा अपहरण, डरधम्की, दुर्व्यवहार, झुटो प्रलोभन लगायतका पाँचवटा अभियोगमा जेल चलान गरेको छ। उनी २०१२ को फेब्रुवरी १० सम्म जेलमा बस्नुपर्नेछ। त्यसपछि मुद्दाको अन्तिम फैसला हुनेछ। स्थानिय कारखानामा काम गर्दै आएका साल्टमास केही हप्ता अघिदेखि ढाड दुख्ने समस्याको उपचार गराईरहेका थिए।

सामाजिक सञ्जालले बढेको अपराध
फेसबुकमार्फत् साथी बनेको एकजना पुरुषले धोका दिएपछि सिड्नीमा नेपाली महिला विद्यार्थीले समुन्द्रि भिरबाट हामफालेर आत्माहत्या गरेकी थिइन्। सिड्नीको कुजी बिचमा एक वर्षअघि भएको यो घटना सेलाउन नपाउँदै मेलबर्नबाट फेरि एक नेपाली विद्यार्थी अपहरणमा परेको खबर सार्वजनिक भएको छ। अपहरणकारीबाट मुक्त गर्न एक घण्टामात्र ढिला भएको भए ती युवतीलाई मारेर खाल्डोमा पुर्ने तयारी गरेको सन् हेराल्डले उल्लेख गरेको छ।

अपहरणकारीले घर पछाडि ४ फिट गहिरो खाल्डो खनेको र अपहरित युवतीको आँखा छापिरहेको अवस्थामा प्रहरीले उद्दार गरेको थियो। भिक्टोरीयाका महावाणिज्यदूत चन्द्र योञ्जनले प्रेस विज्ञप्ती प्रकासित गर्दै साथीभाई र प्रहरीसँग सधैं सम्पर्कमा रहन, नचिनेको मान्छेले दिएको खानेकुरा नखान, कुनै व्यक्तिबाट असुरक्षित महसुस भएमा सुरक्षा निकाय र नेपाल सामुदायिक संस्थालाई खबर गर्नका साथै अनलाइनमा भेटेको मित्रलाई सार्वजनिक स्थानमा पनि धेरै पटक भेटेर उसका बारेमा बुझ्ने र अरुलाई पनि बुझाउन र चिनाउन आग्रह गरेका छन्।

गैरआवासीय नेपालीको पाँचौं सम्मेलन सुरु

काठमाडौ असोज २५ - गैरआवासीय नेपाली संघको पाँचौं विश्व सम्मेलन आजदेखि काठमाडौंमा सुरु हुँदैछ। विश्वभरि ५७ मुलुकमा छरिएरका नेपाली सम्मेलनमा सहभागी हुने छन्। यसका लागि धेरै जसो एनआरएन दसैंअघि नै नेपाल आइसकेका थिए। यो सम्मेलनले नयाँ नेतृत्वसमेत चयन गर्नेछ। वर्तमान अध्यक्ष देवमान हिराचन र उपाध्यक्ष जीवा लामिछानेले अध्यक्ष पदका लागि उम्मेदवारी घोषणा गरिसकेका छन्।
एनआरएनको अभियान विगतमा भन्दा कमजोर मानिएको अवस्थामा यो सम्मेलन हुँदैछ। कुरा गर्ने काम नगर्ने समूहमा एनआरएन पनि थपिएको आरोप स्वदेशी उद्योगी-व्यापारीले लगाउन थालिसकेका छन्।
कुरा धेरै भए काम भएन, गैरआवासीय नेपाली (एनआरएन)अभियानबारे नेपालमा धेरैले गर्ने चर्चा हो यो। अभियानको सहयात्री नेपाल उद्योग वाणिज्य महासंघका अध्यक्ष सुरज वैद्यले पनि यसैलाई संकेत गर्दै दुई दिनअघि एनआरएनकै पत्रकार सम्मेलनमा भने, 'कुन क्षेत्रमा लगानी गर्ने हो ठोस निर्णय र स्पष्ट भएर आउनुपर्‍यो कुरा मात्र गरेर अब हुँदैन। लगानी गर्न समस्या कहाँ छन् भनांै सरकारसँग बसेर कुरा गरी हटाउन सकिन्छ।'
एनआरएन पहिलो सम्मेलनलगत्तै सामूहिक लगानी कोष बनाएर नेपालमा लगानी गर्ने घोषणा गरियो। यो कोष अहिलेसम्म बन्न सकेन्। विदेशी लगानी थोरै आएको हुँदा सरकार र नेपालको मुख्य चाहना एनआरएनको पैसा आओस् भन्ने थियो। एनआरएनले भने दोहोरो नागरिकताको मुद्दालाई मुख्य रुपमा उठाए। पाँचौ सम्मेलनसम्म आइपुग्दा यी दुवै मुद्दा जहाँको तहीँ छन्।
एनआरएनको सबैभन्दा ठूलो योगदान विदेशबाट आउने पैसा (रेमिट्यान्स) हो भनिन्छ। नेपालमा काम नपाएकाले बाध्यतावश नेपालीहरु रोजगारका लागि विदेश गएका हुन्। विदेशबाट आउने यो पैसाका कारण देशको अर्थतन्त्रले दरिलो जग बसाउन सकेको छैन। अर्थतन्त्र विदेशबाट आउने आम्दानीले गर्दा सुन्निएको छ।
विदेशबाट आउने पैसा उपभोग्य लगायत विलासी वस्तुमा खर्च भइरहेको छ। यो रकमका कारण सरकारले सजिलै राजस्व पाइरहेको छ। गाउँमा निजी स्कुल चलेका छन्, नर्सिङ होम्स खुलेका छन्। विदेशबाट आउने पैसाकै कारण यस्ता स्कुल र नर्सिङ होम्स चलेका हुन्। यसले सरकारी स्कुल र अस्पताल सुधार गर्नुपर्छ भन्ने दबाब सुस्त हुँदै गएको छ। राज्यले प्रदान गर्ने सबै किसिमका सेवामा यस्तै प्रवृत्ति देखा पर्दै जानुलाई सकारात्मक रुपमा लिन सकिन्न।
अर्थतन्त्र आन्तरिक रुपमै सुदृढ हुन सकेको छैन। रेमिट्यान्सजस्तो सजिलो आम्दानीले महँगी पनि बढिरहेको छ। सरकारले तोकेको मजदुरको न्यूनतम ज्यालाभन्दा कयौं बढी कमाउनेले पनि दैनिक गुजारा चलाउन कठिन छ। यी सबै कारणले रेमिट्यान्सले देश विकास हँुदो रहेन्छ भन्ने पुष्टि गरेका छन्।
'अबको आवश्यकता कामको खोजिमा विदेश जाने युवालाई यहीं रोक्नुपर्‍यो,' वैद्यले भने, 'यसका लागि यहाँ लगानी चाहिन्छ।' दूरसञ्चार, टेलिभिजन, जलविद्युतजस्ता क्षेत्रमा विदेशमा बस्ने नेपालीको लगानी छ। औंलामा गन्न सकिनेबाट मात्र यहाँ लगानी आएको छ। एनआरएन संस्था आफंै अहिलेसम्म नेपालमा दर्ता हुन सकेको छैन। देशमा विद्युत अभाव लगायत थुप्रै समस्या छन्। संसारभरका मुलुक कुनै न कुनै समस्यामा जेलिएका छन्। तापनि आर्थिक सम्भाव्यतालाई पुँजीकृत गर्न रणनीतिसहित लगानी भएका छन्। नेपालको सन्दर्भमा पनि समस्याको वस्तुगत विश्लेषण गरेर समाधानको रणनीतिसहित लगानी आउनुपर्छ। समस्यामात्र देखाएर देशलाई राम्ररी बुझेका विदेशमा बस्ने नेपालीले स्वदेशमा केही गरेर देखाउन कहिलेसम्म पर्खने हो? सम्मेलनले जवाफ खोज्नुपर्छ।
अधिकांश एनआरएन पहिलो पुस्ताका नेपाली हुन्। सधै भविष्यको चिन्ता भइरहन्छ। देशको सम्झाना पनि आइरहन्छ। अमेरिका, जापान, बेलायत लगायत अधिकांश देशमा कमाएको पैसा बैंकमा राख्दा ब्याज आउँदैन। बचत पैसा कहाँ लगानी गर्ने यो समस्या पनि छ। तर, लगानीका लागि ठोस र सही कार्यक्रम आउन नसक्दा कामभन्दा कुरा बढी भइरहेको हो। सामूहिक लगानी कोष अहिलेसम्म बन्न नसक्नुमा संरचनागत कमजोरी पनि छन्। योभन्दा परियोजनामा आधारित लगानी अवधारणामा सजिलो हुन सक्छ। यस्तै अन्य विकल्प खोज्नुपर्ने बेला आइसकेको छ।
एनआरएन अभियानको मुख्य उपलब्धि विदेशमा बस्ने नेपालीले पहिचान पाएका छन्। २००३ यता ५७ देशमा बस्ने नेपालीहरु यस अभियानभित्र संगठित भएका भएका छन्। गैरआवासीय नेपालीका यी संगठनले देशको अवैतनिक दूतका रुपमा काम गरिरहेका छन्। यो सफल र सवल पक्ष हो। तर, अब नेपालको विकासका लागि लगानी र दोहोरो नागरिकताको मुख्य मुद्दामा पनि ठोस रुपमा अघि बढ्नुपर्ने समय आइसकेको छ।

'गजल किंङ्ग' जगजिद सिंहको निधन

नयाँ दिल्ली - भारतीय, नेपाली, उर्दु र पञ्जावी भाषामा गजल गाएर ख्याती कमाएका गजलकार जगजिद सिंहको ७० वर्षको उमेरमा निधन भएको छ। आज बिहान ८ बजे लिलाबती अस्पतालमा उनको निधन भएको हो। ब्रेन ह्यामरेज भएपछि तीन सातादेखि उनी त्यहाँ उपचाररत थिए। भारतको राजस्थानमा जन्मेका उनी गजल किङ्गका रुपमा चर्चित थिए। उनकी श्रीमती भारतीय गजलकार चित्रा सिंह हुन्। सन् ७०-८० को दशकमा यो जोडी भारतीय संगीतमा इतिहास बनाउन सफल रहेको थियो। सरफरोस र तरकिब जस्ता लोकप्रिय फिल्ममा समेत उनले गीत गाएका छन्।

पेट्रोल ३, डिजेल र मट्टितेलको भाउ १-१ रुपैयाँ बढ्यो

नेपाल आयल निगम संचालक समितिको आज बिहान बसेको बैठकले अहिले १० बजेदेखि लागू हुने गरी पेट्रोलको मूल्य ३ रुपैयाँ बढाएको छ। मट्टितेल र डिजेलमा प्रतिलिटर १ रुपैयाँ बढाइएको छ। आजैबाट प्रति लिटर पेट्रोलको मूल्य १ सय ५ र मट्टितेल तथा डिजेलको मूल्य ७६ रुपैयाँ निर्धारण भएको छ। निगमका अनुसार निगमले हाल मासिक ८३ करोड रुपैयाँ घाटा बोहोर्दै आएको छ। नयाँ मूल्य अनुसार यो घाटा मासिक करिब ७१ करोड रुपैयाँमा झर्ने छ। यसअघि पेट्रोलको भाउ १ सय २ रुपैयाँ तथा डिजल र मट्टितेलको भाउ ७५ रुपैयाँ थियो।

aamppiple hospital

पहिला यूनाइटेड मिसनले संचालन गरेको आँपपिपल हस्पिटल जति चर्चा थियो अहिले सरकारी भएपछि करिब तीन बर्षदेखि नियुक्तिमा भएका १७ जना कर्मचारी काजमा बसेर तलब मात्र खाएका छन् हस्पिटलमा विदेश एकजना डाक्टरले सहयोग गरिरहेका छन् अरु डाक्टरहरु भने कोही पनि छैनन् । सरकार पनि गतिलो भएन सरकारी निकाय पनि गतिलो भएनन् जनतालाई संधै दुःखै दुःख मात्र भयो ।

प्रधानमन्त्रीद्वारा राजीनामाः

प्रधानमन्त्रीद्वारा राजीनामाः प्रधानमन्त्री पुष्पकमल दाहालले आफ्नो पदबाट राजीनामा दिएको घोषणा गर्नुभएको छ। सेनापति प्रकरणमा राष्ट्रपतिबाट असंवैधानिक कदम चालिएकाले आफू पदका लागि विदेशीसँग घुँडा टेक्न तयार नभएको भन्दै उहाँले आफूले पदबाट राजीनामा दिएको घोषणा गर्नुभएको हो । मन्त्रिपरिषद बैठकपछि आफ्नै कार्यकक्षबाट देशबासीका नाममा सम्बोधन गर्दै प्रधानमन्त्री पुष्पकमल दाहालले राजीनामाको दिएको घोषणा गर्नुभएको हो ।

ligligkot.com

Thursday, October 29, 2009

ठेकी बनाउने पेशा अंगालेर बसेका गोरखाका स्थानीय मजदुर

No comments:

Post a Comment

पूर्वाधार अभावले पर्यटकीय क्षेत्र ओझेलमा