विषालु च्याउ खाँदा एघारजना बिरामी

गोरखा । विषालु च्याउ खाँदा गोरखामा एकै घरका ६ जनासहित ११ जना बिरामी भएका छन् । गोरखा जिल्लाको आरुचनौटे गाविसस्थित रातमाटे गैरी वनबाट ल्याएको च्याउ खाँदा सोही गाविस वडा नं। ४ पिपलडाँडाका चार घरपरिवारका ११ जना बिरामी भएका हुन् ।
विषालु च्याउ खाएर गम्भीर बिरामी भएका वर्ष ७० का चन्द्रबहादुर नेपालीलाई उपचारका लागि काठमाडौँको वीर अस्पताल लगिएको र तीनजनाको स्थानीय आरुघाट स्वास्थ्यचौकीमा र अन्यको गाउँमै उपचार भइरहेको जिल्ला प्रहरी कार्यालयले जनाएको छ ।