क्षतिपूर्ति दिन आनाकानी

गोरखा 6 साउन । गरिबी र अभावका कारण यासा्रगुम्बा सङ्कलन गर्न गएका सात केराँैजावासीका परिवारलाई रु।एक÷एक ल्ााख क्षतिपूर्ति दिन अन्नपूर्णक्षेत्र विकास समितिले पहिलेको निर्णय खारेज गरी हाल आएर प्रत्येक परिवारलाई रु।२०÷२० हजारमात्र दिने निर्णय गरेपछि तमुवान संयुक्त सङ्घर्ष समिति गोरखाले प्रेस विज्ञप्ति प्रकाशित गरी विरोध गरेको छ ।

समितिका संयोजक धना तमुद्वारा हस्ताक्षरित विज्ञप्तिमा अन्नपूर्ण संरक्षणक्षेत्र एक्याप को उक्त रवैयाप्रति सो सङ्गठनको घोर आपति रहेको र पहिलेका निर्णयबमोजिम उचित क्षतिपूर्ति तत्काल नदिए कडा कदम चालिने र यसको जिम्मेवारी स्वयम् एक्यापले नै लिनुपर्ने विज्ञप्तिमा जनाइएको छ ।

गोरखाको केरौँजाबाट यासा्रगुम्बा टिप्न मनाङको नार गाविस पुगेको सात गोरखालीको वीभ्ात्स हत्यामा एक्यापको प्रमुख हात रहेको र प्रमुख सहयोगी नै एक्याप भएको आरोप पीडितहरुले लगाउँदैआएका छन् ।

शिक्षा कार्यालयमा तालाबन्दी

गोरखा ६ साउन । जिल्ल्ाा शिक्षा कार्यालय गोरखामा शिक्षकहरुले तलब वृद्धि गर्नुपर्ने र पहिलेका सबै सहमति र मागहरु पूरा गर्नुपर्ने भन्दै जिल्ला शिक्षा कार्यालय गोरखामा आज तालाबन्दी गरेका छन् ।

नेपाल शिक्षक युनियन र अखिल नेपाल शिक्षक सङ्गठनले संयुक्तरुपमा सो कार्यक्रम गरेका हुन् ।

शिक्षकहरुका माग सम्बोधन नगरेसम्म आन्दोलन जारी राख्ने शिक्षक युनियनका गोरखा अध्यक्ष लुमनाथ लामिछानेले बताउनुभयो ।

ग्ााेरखामा ३८ उच्च मावि पुग्यो

गोरखा ६ साउन । गोरखा जिलःलामा उच्चमाध्यमिक विद्यालयको सङ्ख्या तीन दर्जन पुगेको छ ।
उच्च माध्यमिक शिक्षा परिषदबाट यसवर्ष गोरखा जिल्लामा एकदर्जन माध्यमिक विद्यालयले उच्च माध्यमिक विद्यालय साचालन गर्न अनुमति पाएका छन् ।

यसवर्ष स्वीकृति पाएका विद्यालयहरुमा नवजागृति चण्डी उच्च मावि अश्राङ शैलपुत्री उच्च मावि पाँचखुवा देउराली हिमालय उच्च मावि सिम्जुङ संसारी उच्च मावि गाँखु हिमालय उच्च मावि वारपाक अमरज्योति उच्च मावि लुँईटेल मण्डली उच्च मावि छोप्राक जीवनज्योति उच्च मावि च्याङली शान्ति मावि वगुवा संकृत उच्च मावि ताद्राङ अन्नपुर्ण उच्च मावि खोप्लाङ र जनज्योति उच्च मावि चिप्लेटी रहेका छन् ।

यसवर्ष गोरखा जिल्लामा माओवादी नेता बाबुराम भट्टराईले पढेको अमरज्योति जनता उच्च मावि लुईटेलमा विज्ञान सङ्काय र नेता नारायणकाजी श्रेष्ठ प्रकाशले पढेको जनज्योति उच्च मावि चिप्लेटीमा कृषि विज्ञान सङ्कायका लागि सम्बन्धन पाएको हो ।

विषालु च्याउ खाँदा एघारजना बिरामी

गोरखा । विषालु च्याउ खाँदा गोरखामा एकै घरका ६ जनासहित ११ जना बिरामी भएका छन् । गोरखा जिल्लाको आरुचनौटे गाविसस्थित रातमाटे गैरी वनबाट ल्याएको च्याउ खाँदा सोही गाविस वडा नं। ४ पिपलडाँडाका चार घरपरिवारका ११ जना बिरामी भएका हुन् ।
विषालु च्याउ खाएर गम्भीर बिरामी भएका वर्ष ७० का चन्द्रबहादुर नेपालीलाई उपचारका लागि काठमाडौँको वीर अस्पताल लगिएको र तीनजनाको स्थानीय आरुघाट स्वास्थ्यचौकीमा र अन्यको गाउँमै उपचार भइरहेको जिल्ला प्रहरी कार्यालयले जनाएको छ ।

नेपाली नागरिकता नेपाली र अंग्रेजी दुवै भाषामा

नेपाली नागरिकता अव नेपाली र अंग्रेजी दुवै भाषामा छिटै वितरण हुने भएको छ । गृह मन्त्रालयले परिवर्तित नयाँ स्वरुपको नेपाली नागरिकता असोज को पहिलो साता बाँड्न थाल्ने जानकारी दिएको छ। नेपाली र अंग्रेजी दुवै भाषामा लेखिएका नयाँ स्वरुपको नागरिकताको आकार भने केही ठूलो हुनेछ। प्रवक्ता घिमिरेका अनुसार विद्युतीय प्रविधिबाट नागरिकता दिने प्रक्रिया थाल्ने गृहले प्रस्ताव गरेको छ। त्यसो भएमा बिजुली भएको ठाउँमा बिजुली र नभएको ठाउँमा जेनेटरको माध्यमबाट नागरिकता वितरण गरिने छ। ुनागरिकता दिने सफ्टवेयर पनि तयार भइसकेको छ । यसअघिको नागरिकता भन्दा यसको साइज केही ठूलो हुने छ। २००९ मा आएको नागरिकता ऐन क्रमशः २०२० र २०६३ मा संशोधन भएको छ। थालनीमा बडाहाकिमले नागरिकता हातले लेखेर दिन्थे। २०४५ सालसम्म नेपाली कागजमा लेखिएको नीलो रंगको बाक्लो कभर भएको सानो बुकलेट जस्तो दिने प्रचलन थियो।अवको नयाँ नागरिकतामा भने लिंग पनि लेखिने छ। तर कुन लिंग भन्ने विषयमा भने बाँकी खाली राखिएको छ। हालसम्म कास्कीबाट एकजनाले तेस्रो लिंगी भनेर विष्णु अधिकारीले लिएकी छन्। उनले आफूलाई तेस्रो लिंगी भनेर दाबी गरेकी छिन्। सर्वोच्च अदालतले दिने भने पनि कानुनी वितरण गरेको छैन। महिला र पुरुषबाहेकलाई उभयलिंग राख्ने कि भनेर गृहमन्त्रालयले प्रस्ताव गर्ने भएको छ।वंशजको आधारमा दिइने नागरिकता र अंगीकृत नागरिकता स्पष्ट चिन्ने गरी वनाइने छ। वंशज र जन्मको आधारमा के हो रु त्यो उल्लेख हुने छ। बैबाहिक अंगीकृत नेपाली नागरिकताको प्रमाणपत्र अंगीकृत नेपाली नागरिकताको प्रमाणपत्रुको पछिल्तिर नागरिकता दिने निर्णय गरेको हो रु त्यो लेखिएको हुने छ।नयाँ नागरिकतामा नयाँ सूचनासमेत लेखिएको छ। नागरिकताको पछाडि पटी 'यो प्रमाणपत्र कसैले फेला पार्नु भएमा नजिकको जिल्ला प्रशासन कार्यालय वा प्रहरी कार्यालयमा बुझाइदिनुहोला' लेखिएको छ।यसको साथै नागरिकता अंग्रेजी भाषामा पनि लेखिने छ। नेपाली भाषामा मात्र लेखिएको नागरिकताले समस्या पार्दैआएको थियो। खासगरी राहदानी नचाहिने भारत जाने नेपाली र चीन सीमाक्षेत्रमा यस्तो समस्या देखिदैआएको थियो। अव भने केही हदसम्म भएपनि नागरिकताबाट हुने समस्या निकारण भएको छ ।

गोली लागेर सप्तरीमा एकको मृत्यु, निश्चितकालीन कर्फयु

२ साउन । सशस्त्र प्रहरीको गोली लागेर सप्तरीमा एक स्थानीय बासिन्दाको मृत्यु भएपछि आक्रोशित बनेकाहरुले प्रदर्शन जारी राखेपछि स्थानीय प्रशासनले अनिश्चितकालीन कर्फयु आदेश जारी गरेको छ । मध्यान्ह १२ बजेदेखि लागू हुने गरि राजविराज नगरपालिकाको नगर क्षेत्र, ईटहरी विष्णुपुरा क्षेत्रमा अनिश्चितकालीन कफर्यू आदेश जारी गरेका जिल्ला प्रशासन कार्यालयले जनाएको छ । जिल्लाको ईटहरी विष्णुपुरामा सशस्त्र प्रहरीले चलाएको गोली लागेर एकको मृत्यु भएको हो । भारतबाट रासायनिक मल लिएर आएका गाउँलेको प्रहरीले साइकल र मल कब्जामा लिएपछि स्थानीय बासिन्दाले विरोध प्रदर्शन गरेका थिए । प्रदर्शनलाई नियन्त्रणमा लिन प्रहरीले चलाएको गोली लागेर विष्णुपुरा ४ का अखिलेश यादवको मृत्यु भएको हो । गोली लागेर कृतानन्द साह, नरेन्द्र यादव, नरेन्द्रप्रसाद मेहता, पुनानन्द यादव र सुरेश यादव गम्भिर घाइते भएका छन् । प्रहरीको गोली लागी घाइते भएकाहरुको सगरमाथा अञ्चल अस्पतालमा उपचार भइरहेको छ । स्थानीय बासिन्दाले सखडाबाट गएको सशस्त्र प्रहरीको टोलीले एक्कासी गोली चलाएको बताएका छन् । प्रहरीले सबै गाउँले मिलेर प्रहरी कार्यालय घेराउ गरेर आक्रमण प्रयास गरेपछि गोली चलाउनुपरेको जनाएको छ ।

रेडक्रसद्वारा २०६ परिवार लाभान्वित

गोरखा १८ असार । अन्तरराष्ट्रिय रेडक्रस सोसाइटी आइसिआरसि को सहयोगमा नेपाल रेडक्रस सोसाइटीले साचालन गरेको लघु आर्थिक पहल परियोजनाअन्तर्गत गोरखा जिल्लामा रहेको द्वन्द्वपीडित परिवारमध्ये २०६ जना परिवार लाभान्वित भएको नेपाल रेडक्रस सोसाइटी गोरखाले जनाएको छ । द्वन्द्वको क्रममा चर्को मार खेपेको गोरखा जिल्लामा १८६ जना नागरिकले ज्यान गुमाएका थिए र अझै २६ जनाको अवस्था सार्वजनिक भएको छैन ।
पीडित परिवारले सानो लगानी गर्न नसकिरहेको अवस्थामा रेडक्रसले गरेको दस हजार बराबरको सहयोग अमूल्य भएको पीडित परिवारमध्येका गणेश श्रेष्ठले बताए । श्रेष्ठ द्वन्द्वको क्रममा कुटपिटबाट घाइते हुनु भई अपाङ्ग हुनुभएको थियो । रेडक्रसले दिएको सात वटा बाख्राबाट राम्रो आम्दानी गर्ने गरेको उनले बताए । राज्य पक्ष या अर्को पक्षबाट भएका घटनामा पीडित भएका तर आर्थिक हैसियत अति नाजुक भएका परिवारका लागि मात्र सहयोग गरिएको सोसाइटीका सभापति शुक्रराज पन्तले जानकारी दिनुभयो ।