पानीघट्टको बिजुलीले गाउँलाई नै झलमल्ल पार् यो

पसा्र वीरगन्ज १२ असार । देशमा ऊर्जा सङ्कट देखापरिरहेका बेला वैकल्पिक ऊर्जाको खाजीसमेत भइरहेको अवस्थामा पसा्र जिल्लाको दुर्गम गाविसका एक किसानले नेपालमा उर्जाको प्रशस्त सम्भावना रहेको प्रष्ट पारेका छन् । जिल्लाको ठोरी गाविस वडा नं। ६ सुन्दरबस्तीका स्थानीय कृषक लक्ष्मण अधिकारीले आफ्नै पानीघट्टबाट बिजुली उत्पादन गरी नेपालमा ऊर्जाको विभिन्न स्रोत रहेको प्रष्ट पारेका छन् । उनले आफ्नै पहलमा निर्माण गरेको पानीघट्टबाट करिब पाँच वाटको बिजुली उत्पादन गरी ठोरी गाविसको दुईवटा वडालाई झलमल्ल पारेका छन् । करिब एक महिना परीक्षण गरेपछि अहिले नियमित रुपमा बिजुली उत्पादन भई ठोरी गाविस वडा नं। ६ सुन्दरबस्ती र ७ टाउन प्लाजालाई झलमल्ल पारिएको अधिकारीको भनाइ छ । घट्टबाट निस्किएको पानी सदुपयोग गरी डाइनामो राखेको र त्यसैले उत्पादन गरेको विद्युत आफूले आपूर्ति गरेको र पानीको मात्रा बढेपछि वडा नं ६ र ७ का अलवा ८ नं। मा समेत विद्युत पठाउने आफ्नो लक्ष्य रहेको अधिकारीले प्रष्ट पार्नुभयो ।
विद्युत उत्पादन भएपछि अहिलेसम्म गडबढी नभएको पनि अधिकारीले दाबी गरेका छन् । यद्यपि पछिल्लो समयमा चर्को खडेरीपरेका कारण पानीको स्रोत सुकेपछि केही समस्या भएको उनले बताए । तर पानी पुरै नसुकेका कारण अहिले बिजुली भने सुचारु रहेको अधिकारले बताए । ठोरी गाविसमा मात्रै करिब एक दर्जन जति पानीघट्ट भएपछि बिजुली उत्पादन गर्न भने अधिकारी सफल भएका छन् ।